حــــــــرتـ أوصــــفـــج يـــــا بغــــــــــداد

حرت اوصفج نخلة من العسل وكل الحل يتغزل بتمره

حمامة انتي من بين الطيور انتي من بين العشب زهره

يا خيمتنا يا ذروة الصيف يا شامخة وعاليه يالشجره

انتي يا شمسنا يالحروفك اكل الكلوب مغروس بذره

انتي بكل شريان يجري ومن دمنا ينبع ويرتوي جذره

حرت اوصفك يالحسنك يلوع الروح ويحركه بجمره

اتنهد الشوفتك وكلي شوكـ مذبوح يا حسرتي حسره

مخنوك وجوايا عصور من الحزن,موجوع وبصدري عبره

تاه مني الفكر وخانت بيه الحروف وصرت اتخطى اثره

حرت اوصفج ياليلي انتي ونهاري انتي كمر للسما وانتي بدره

انتي يا طيبة هلي عزيزة والغالي والله صعب هجره

لا وحكـ رب الكون وحكـ جبل كردستان وحكـ نخلة البصره

طبع بينا المحنه واحنا الوفا هنا ربينا وبعروكنا يجري نهره

ومو احنا اهل الغدر ودمنا عراقي ومايصير ماي عمره

عراقي ومتعلم,يصبر وماينحني وبجفوفه يحفر الصخره

جزه العمر يوم وبعد يوم وخطار الفرح مر بينا مره

بغداد صبرج يا سلوتنا والفجر طالع بقوة الله وامره

انتي ديوان العرب من زاخوا للفاو الشط العرب جسره

بغداد هذا اللي بصدري والقلم يكتب الج ومانشف حبره

=============