الرئيسية
أحدث الصور
من طرف الخيانه صارت ميانه الخميس يونيو 30, 2011 2:15 amالسلام عليكم
,, اليوم موضوعنة على لحظة انعواجية في تاريخك عمرك اللي اتمنة انه يكون
طويل انشالله (1834 شبر) ,, لحظات تكون بيها انتة فرجة ,, مو فرجة مال سنون
قصدي فرجة انه الكل يباوعون عليك ,, بداخلهم يريدون يعزوك بس ظاهريا
يكللولك مبروش ,, مبروش شنو قصدي مبروك , اللحظة اللي اتكون بيها حضرتك
كاعد عال كوشة بيوم العرس وية كريشة حياتك ,, قصدي شريكة حياتك , اني ولو
بعدني ما مار بهيجي لحظة بس حبيت اتخيلها , اني كاعد بالكوشة و مرتي بصفي ,
خلي نشوف بصورة مطلقة شراح يصير ,,
** هاي اللي بصفي شبيها بس
تتريع ,, هاي قبل الكيك و البيبسي هيج لعد من تشرب شلون ,, بس لا تركعني
بتريوعة اتكعدني بحضن امي ,, هذا ابو الدي جي ما اعرف شفاتح ,, هية مال
افتح يا سمسم بيوم عرس ؟ هذا صدك مخبل ,, المصور ليش دياخذ صور للسكف ؟ اي
الصور غير للمعازيم رحمة للكعبة هذا شديسوي؟ الصورة الوحيدة اللي اخذلياها
,, اخذها لعلباتي و طلعت علباتي مبتسمة بالصورة ,, ما اريد اندار على اللي
كاعدة بصفي ,شكلها طلعت حولة و انضربت بوري بيها , والا ليش من وكعت الشربت
على ذيل نفنوفها كامت اتنشف بالردان؟ الردان شعليها ؟؟ هذا المصور بطل
يصور السكف و دياخذ صور وية العمال مال القاعة ,, شلون راح اعوف العرس و
اعيط بي عيطة اوكع شعر ابطه كله ,, امي شبيها تلطم ؟؟ ها ابوية ديسال واحد
هذا عرس منو .. ممم ,, سعبيش هسة؟؟ اريد أدخن جكارة ,, اوف لو مكعد مرتي
بمكاني ,مكاني بي بسمار شكني ,, لو ادري الكعدة هيجي مكيسة جان جبت الكراسي
البلاستيك البيضة اللي بالطرمة بدال الشوكة ,, مدري كوشة والله ما اعرف ,,
مرتي متغدية فلافل؟؟ انطلقت ريحة ضايجة ما اعرف مال واحد ساحك طن لبلبي ,,
يمكن هاي العطر مال حماتي ,, كلها اتباوع عليه عبالك شاذي بلاستيك ,, هاي
ام الاسود اللي دا تركص جوبي اتخبل لو اراوسها بمرتي و ادفع فرق بطل دهن ,,
اهوو طلعت مخطوبه ,, مصور الفديو دا ايبدع ,, بس لو ايعوف الابوبريص اللي
صار ساعة مثبت عليه الكامرا بالحايط ,, يعني هو الابروبيص احسن مني ؟ لو هو
اللي معرس بهال ليلة السودة لو اني ؟ يعني اروح امشي عال حايط حتى يصورني
؟؟ بعدين اني هم بطران لازم اوثق الحكم بالمؤبد خليها هيج احسن ,, عم
العروسة يخبل ,, اول مرة اشوف واحد طالعتلة سنون بصلعيتة ,, سعبيش هسة؟ افف
ضجت راح اكوم اصيح عبوة بلكت يتراكضون و تخلص الحفلة ,, كلها متونسة و
تردح بس اني كاعد عبالك دا انتظر السرة يم الحلاق ,, مرتي ما اعرف شتريد
اتكول ها شتريدين؟؟ اتحبيني هو هذا وكته ؟ حبج هدهد ما يسمع كلام امه
انشالله ,,
بيبية العروسة يمكن ماتت ,,
لاوالله رجعت تحجي ,, عمرها 98 سنة من يوم اللي خطبت هية تمشي للقاعة يلا
وصلت هسة ,, احمد جقلمبة صاحبي والله يفتهم ,, سوة الحفلة بالحمام الغربي
اللي ببيتهم و عزم بس ابوه ,, و من راد يغسل وجه طرده برة ,, سعبيش ؟ اريد
ادخن ,, زين مرتي مو مال اعوفها هيجي اتروح تنباك , خلي افتح وياها موضوع و
احنة يوم مفترج و مناسبة حلوة
- تدرين القراصنة الصوماليين امريكا نفسها ما كدرت تعتقلهم ليش ؟ لان عدهم يكلج قرصان اسمه زمزوم هذا مو طبيعي
- شنو؟؟ (مرتي مخترعة بحيث كامت تتخيل قرصان صومالي راح يفوتلنة للعرس)
-
افف ضوجة .. حياتي اروح اجيبلج بلاي ستيشن نلعب طوبة الى ان الجماعة هنا
يخلصون حفلتهم؟؟ انتي اخذي فشلونة و اني اخذ ريال تبريد ,,
مرتي
اتغلس و أتدير وجها و اني أكمل تأملاتي ,, افتر الم فلوس مال قواطي
البيبسي لو بعدين؟ زين اكتب قطعة الجلوس عال كوشة ب 3000 ؟؟ والله خوش فكرة
اطلع جكايري مال سنة لي كدام ,, اشتهيت طماطية شلون؟
صار
عندي صداع بجعب رجلي اليمنة من الهوسة و الصوت ,, اريد ارجع لبيت امي انام
,, و طز بالعرس و الحفلة ,, لو جايب اخوية الصغير مكعدة هنا و منطيه 500
مو احسن ؟ و اني اروح اسولف وية جماعتي ,, مرتي مدت ايدها لكلاص الشربت خلي
اوخر الكلاص حتى لا اتنوشه ,, اي لو منطي لاخوية 250 و مكعدة هنا مو احسن
؟هواية 500 ,,, هاي منو اجة ؟ اصدقاء العروسة يريدون ياخذون صورة وياها هاي
شلون شغلة بس لا ينخبطون و ما اعرف مرتي ياهو (ياهو ماسنجر) ,, لا هاي
شبيك مكرش مو حطيتلها علامة x بصبغ الاظافر على كصتها ,, يلا عيني اخذو صور
,, و دزولي نسخة ,, مكرش في اخر لحظات حياته الحرة ,, قبل المؤبد ,,
_________________
,, اليوم موضوعنة على لحظة انعواجية في تاريخك عمرك اللي اتمنة انه يكون
طويل انشالله (1834 شبر) ,, لحظات تكون بيها انتة فرجة ,, مو فرجة مال سنون
قصدي فرجة انه الكل يباوعون عليك ,, بداخلهم يريدون يعزوك بس ظاهريا
يكللولك مبروش ,, مبروش شنو قصدي مبروك , اللحظة اللي اتكون بيها حضرتك
كاعد عال كوشة بيوم العرس وية كريشة حياتك ,, قصدي شريكة حياتك , اني ولو
بعدني ما مار بهيجي لحظة بس حبيت اتخيلها , اني كاعد بالكوشة و مرتي بصفي ,
خلي نشوف بصورة مطلقة شراح يصير ,,
** هاي اللي بصفي شبيها بس
تتريع ,, هاي قبل الكيك و البيبسي هيج لعد من تشرب شلون ,, بس لا تركعني
بتريوعة اتكعدني بحضن امي ,, هذا ابو الدي جي ما اعرف شفاتح ,, هية مال
افتح يا سمسم بيوم عرس ؟ هذا صدك مخبل ,, المصور ليش دياخذ صور للسكف ؟ اي
الصور غير للمعازيم رحمة للكعبة هذا شديسوي؟ الصورة الوحيدة اللي اخذلياها
,, اخذها لعلباتي و طلعت علباتي مبتسمة بالصورة ,, ما اريد اندار على اللي
كاعدة بصفي ,شكلها طلعت حولة و انضربت بوري بيها , والا ليش من وكعت الشربت
على ذيل نفنوفها كامت اتنشف بالردان؟ الردان شعليها ؟؟ هذا المصور بطل
يصور السكف و دياخذ صور وية العمال مال القاعة ,, شلون راح اعوف العرس و
اعيط بي عيطة اوكع شعر ابطه كله ,, امي شبيها تلطم ؟؟ ها ابوية ديسال واحد
هذا عرس منو .. ممم ,, سعبيش هسة؟؟ اريد أدخن جكارة ,, اوف لو مكعد مرتي
بمكاني ,مكاني بي بسمار شكني ,, لو ادري الكعدة هيجي مكيسة جان جبت الكراسي
البلاستيك البيضة اللي بالطرمة بدال الشوكة ,, مدري كوشة والله ما اعرف ,,
مرتي متغدية فلافل؟؟ انطلقت ريحة ضايجة ما اعرف مال واحد ساحك طن لبلبي ,,
يمكن هاي العطر مال حماتي ,, كلها اتباوع عليه عبالك شاذي بلاستيك ,, هاي
ام الاسود اللي دا تركص جوبي اتخبل لو اراوسها بمرتي و ادفع فرق بطل دهن ,,
اهوو طلعت مخطوبه ,, مصور الفديو دا ايبدع ,, بس لو ايعوف الابوبريص اللي
صار ساعة مثبت عليه الكامرا بالحايط ,, يعني هو الابروبيص احسن مني ؟ لو هو
اللي معرس بهال ليلة السودة لو اني ؟ يعني اروح امشي عال حايط حتى يصورني
؟؟ بعدين اني هم بطران لازم اوثق الحكم بالمؤبد خليها هيج احسن ,, عم
العروسة يخبل ,, اول مرة اشوف واحد طالعتلة سنون بصلعيتة ,, سعبيش هسة؟ افف
ضجت راح اكوم اصيح عبوة بلكت يتراكضون و تخلص الحفلة ,, كلها متونسة و
تردح بس اني كاعد عبالك دا انتظر السرة يم الحلاق ,, مرتي ما اعرف شتريد
اتكول ها شتريدين؟؟ اتحبيني هو هذا وكته ؟ حبج هدهد ما يسمع كلام امه
انشالله ,,
بيبية العروسة يمكن ماتت ,,
لاوالله رجعت تحجي ,, عمرها 98 سنة من يوم اللي خطبت هية تمشي للقاعة يلا
وصلت هسة ,, احمد جقلمبة صاحبي والله يفتهم ,, سوة الحفلة بالحمام الغربي
اللي ببيتهم و عزم بس ابوه ,, و من راد يغسل وجه طرده برة ,, سعبيش ؟ اريد
ادخن ,, زين مرتي مو مال اعوفها هيجي اتروح تنباك , خلي افتح وياها موضوع و
احنة يوم مفترج و مناسبة حلوة
- تدرين القراصنة الصوماليين امريكا نفسها ما كدرت تعتقلهم ليش ؟ لان عدهم يكلج قرصان اسمه زمزوم هذا مو طبيعي
- شنو؟؟ (مرتي مخترعة بحيث كامت تتخيل قرصان صومالي راح يفوتلنة للعرس)
-
افف ضوجة .. حياتي اروح اجيبلج بلاي ستيشن نلعب طوبة الى ان الجماعة هنا
يخلصون حفلتهم؟؟ انتي اخذي فشلونة و اني اخذ ريال تبريد ,,
مرتي
اتغلس و أتدير وجها و اني أكمل تأملاتي ,, افتر الم فلوس مال قواطي
البيبسي لو بعدين؟ زين اكتب قطعة الجلوس عال كوشة ب 3000 ؟؟ والله خوش فكرة
اطلع جكايري مال سنة لي كدام ,, اشتهيت طماطية شلون؟
صار
عندي صداع بجعب رجلي اليمنة من الهوسة و الصوت ,, اريد ارجع لبيت امي انام
,, و طز بالعرس و الحفلة ,, لو جايب اخوية الصغير مكعدة هنا و منطيه 500
مو احسن ؟ و اني اروح اسولف وية جماعتي ,, مرتي مدت ايدها لكلاص الشربت خلي
اوخر الكلاص حتى لا اتنوشه ,, اي لو منطي لاخوية 250 و مكعدة هنا مو احسن
؟هواية 500 ,,, هاي منو اجة ؟ اصدقاء العروسة يريدون ياخذون صورة وياها هاي
شلون شغلة بس لا ينخبطون و ما اعرف مرتي ياهو (ياهو ماسنجر) ,, لا هاي
شبيك مكرش مو حطيتلها علامة x بصبغ الاظافر على كصتها ,, يلا عيني اخذو صور
,, و دزولي نسخة ,, مكرش في اخر لحظات حياته الحرة ,, قبل المؤبد ,,
_________________
» سونا حمام البخار لتنزيل الوزن وتوحيد لون البشرة وتفتيح المسام وبالتقسيط 22630270
» ماجيك برا جهاز تكبير الثدي الان 01006135828
» سونا حمام البخار لتنزيل الوزن وتوحيد لون البشرة وتفتيح المسام وبالتقسيط 22630270
» عندك مشكلة في تمارين البطن جهاز اب كوستر حل المشكلة وبالتقسيط 22630270-01006135828
» مشاية كهرباء بالتقسيط من الشريف سبورت 22630270
» اجهزة رياضية من الشريف سبورت وبالتقسيط
» كليب ايفان ناجي - مدري شجا - ماريده لا
» في سيرك امبريلا في بغداد