لاتظن اتنازل واجيك بيوم

كبريائي


لاتظن أتنازل وأجيك بيوم أتوسل

ولا أرضه بكلامك هذا وبيه أقبل

ولاتظن طبع الكبرياء البيه بيوم يتحول

آنه رجال وعيب أعله الرجال تتخضع وتتذلل

شوف نفسك ... وأعرض البينك وبيني أعله الناس

وشوف أهل العقل والراي بهاي تقبل ؟؟

إذا حچيت أصير مطلوب

وٳذا أسكت تگوم مني تتملل

حرت مدري شلون أمشي وياك

وك عمي دليني أعله سچه حتى أندل

بس ها .. لاتگلي صير مثل هذا وذاك

آنه انسان وعيب أعله الانسان بشخص غيره يتمثل

وكل انسان أله طبعه

والطبع ثابت مايتغير وي المواقف ويتبدل

قارنت بينك وبين ناس هواي

وچنت دائما عندي انت الاول

بس وسفه أعله روحي .. لگيتها عندك

لا بأول القائمه ولا بالوسط ..لچن بالأسفل

چنت من تغيب أظل مثل الطفل تايه

أدورنك وعليك بس أسأل

وبدونك ليلي يطول

ويصير حتى من ليل الشتا أطول

ومن چنت تجرحني انت بيوم

آني أدورلك الأعذار وأگول ميخالف

اليحب لازم يتحمل

بس ليش تكسر بيه گدام الناس

هذا الي جارحني منك وراح يخلي العقل يختل

آني أرفعك للسمه گدام الناس

وانت ...ااااااخ انت

جوه الارض بيه أتنزل

ما أدري هيه هاي قسمتي بدنيتي

لو حظي عاثر وأثول